MANILA, Philippines - Dul-an sa 500 ka pari gikan sa nagkalain-laing parokya ang nibag-o sa ilang mga saad sa pagpangalagad sa simbahan ug kalihukan nga gipahigayon sa Cebu Metropolitan Cathedral kagahapon.
Isip mga instrumento sa pagtulun-an sa Ginoo ngadto sa katawhan gikinahanglan nila nga malimpyo gikan sa sala.
Usa ka Santos nga Misa ang gipahigayon ug gidumala ni Cebu Archbishop Jose Palma ug didto usab mitambong si Cebu Archbishop Emeritus Ricardo Cardinal Vidal.
Sa wali ni Palma siya mibutyag nga ang maong kalihukan ipahigayon gyud unta sa Huwebes Santo apan gumikan sa pastoral nga rason mao nga gihimo kini kagahapong adlawa aron usab ang mga pari makaserbisyo sa ilang tagsa-tagsa ka parokya karong Semana Santa. Nagpasalamat si Palma sa kapariang mitambong sa maong selebrasyon ug miawhag kini pag-uban sa tanan sa pag-ampo aron masabtan ang plano sa Diyos sa kinabuhi ug mapakita ang paghigugma ug panaghiusa sa kaparian.
Midugang ang arsobispo nga ang selebrasyon usa ka pahinumdom aron silang mga pari angay usab nga malimpyo kay sila maoy instrumento sa mga pagtulun-an sa Ginoo ngadto sa katawhan.
Ang “renewal of promises†sa kaparian usa ka tinuig nga gimbuhaton sa Archdiocese of Cebu. (BANAT NEWS)