CEBU, Philippines - Gipaubos sa imbestigasyon ang polis nga na-eskapohan og piniriso niadtong Lunes sa hapon sa lungsod sa Consolacion sumala pa sa hepe sa Provincial Intelligence Branch Supt. Rodolfo Albotra.
Si Albotra miingon nga gipaubos na nila sa imbestigasyon si PO1 Julius Patag aron mahibaw-an kun duna ba kini pagkuwang.
Si Patag kauban sa laing duha ka polis nga sila si PO2 Glenn Rosal ug si PO1 Socrates Borinaga nga maoy duty dihang mieskapo si Dionesia Lumantao, nadakpan tungod sa warrant of arrest sa kaso sa illegal nga drugas.
Matud pa mihangyo si Lumantao nga magpatutoy sa iyang masuso diha sa gawas sa presinto apan misibat kini dihang wala makabantay ang mga polis.
“There should be no mercy sa mga cases nga ingon ani…although mo-consider ta for humanitarian reason,†matud ni Albotra.
Aron di na kini mausab, nagplano si Albotra nga muhatag siya og proposal sa hepe sa lalawigan Sr. Supt. Noel Gillamac alang sa pag-umol sa SOP kon Standard Operating Procedure sa parehong kaso.
Kun mapamatud-an nga duna gyu’y pagkuwang si PO1 Patag posible nga pasakaan kini og kasong administratiba ug posible nga mataktak kini sa pagkapolis. - /EIM (BANAT NEWS)