CEBU, Philippines - Ang dakbayan sa Mandaue ug ang lungsod sa Tudela, Camotes maisip na karon nga managsuon.
Kini human gipirmahan ang Memorandum of Understanding tali sa mga opisyal sa duha ka local government units kagahapon.
Ang Mandaue girepresentahan nila ni Mayor Jonas Cortes ug Bise Mayor Glenn Bercede samtang ang Tudela girepresentahan nila ni Mayor Erwin Yu ug Bise Mayor Greman “Jojo†Jojo Solante.
Si Roger Paller, Public Information Officer (PIO) sa Mandaue miingon nga ilang gihimo ang sisterhood agreement ubos sa katuyoan nga magtinabangay ang duha ka lokal nga kagamhanan alang sa kalamboan.
Apil sa palamboon sa duha ka LGU’s mao ang kulturanhong kahimtang, ekonomiya, panginabuhi, edukasyon ug uban pa.
Mahimo usab nga tabangan sa Mandaue ang lungsod sa Tudela pinaagi sa paghatag og mga proyekto. (BANAT NEWS)