CEBU, Philippines - Tawo nga giingong drug pusher nadakpan sa kapolisan didto sa Barangay Panoypoy, Consolacion atol sa gihimong buy-bust operation kaniadtong Domingo sa hapon.
Si Ruben Oporto, 39, minyo ug walay trabaho nga nagpuyo gihapon sa Barangay Panoypoy nasakmitan og duha ka gagmay nga paketeng shabu. Si PO1 Albert Jiminez miingon nga nakadawat sila og report sa illegal nga kalihokan ni Oporto kay daghang mga adik ang magsulod-gawas sa iyang balay.
Sa ilang pagpaniid, nahibaw-an sa kapolisan nga tinood nga namaligya og shabu si Oporto mao nga gihimo nila ang buy-bust operation gamit ang poseur buyer.
Gidakop sa mga polis si Oporto dihang mitunol na siya sa shabu bugti sa P300 nga mark money. (/RUB)(BANAT NEWS)