Opisyal sa Customs –Cebu na kontrobersyal niadto

CEBU, Philippines – Ang bag-ong gitudlo nga pangulo sa Entry Processing Unit (EPU) sa Bureau of Customs-Cebu natangtang na kaniadto sa katungdanan tungod sa usa ka kontrobersiya sa  gang tuig 2011.

Si Cebu Customs District Collector Reynaldo Almadin ning bag-ohay lang mitudlo ni Jessica Delgado sa mao nga katungdanan. Si Delgado kanhi boarding and clearing officer sa Port Operations Division (POD) sa Sub-Port of Mactan-Cebu.

Nasayran nga si Delgado apil sa tulo ka opisyal sa Customs-Port of Cebu nga giingong naisyuhan og dismissal orders tungod sa pagtugot nga makabiyahe ang  M/V Philippine Dream paingon sa Chittagong, Bangladesh niadtong Mayo 27, 2008.

Kini bisan pa man  gang BOC  gang Bureau of Internal Revenue (BIR) ang nagsabot pa kung kinsa ang adunay hurisdiksyon sa pagbuhis sa nahisgutang barko.

Ang tulo namatud-ang sad-an sa kasong gross neglect of duty and conduct prejudicial to the best interest of the service, base sa resolution nga gipirmahan ni Customs Commissioner Angelito Alvarez niadtong tuig 2011.

Apan si Almadin, pinaagi sa text message sa media, midepensa kang Delgado pinaagi sa pag-ingon nga ang kaso ni Delgado “was already resolved at the Civil Service Commission in her favor.” - /EIM (BANAT NEWS)

Show comments