CEBU, Philippines - Unsa ang angay’ng buhaton sa drayber kun gusto siya nga modesilya kon moliko sa habig sa wala nga eskena? Kun ang karsada “two lanes†ra, nagpasabot nga ang “lane†nga dapit sa tuo para g’yud sa mga sakyanan nga diritso ang dagan, dili alang sa mga mo-left turn kon modesilya.
Sa ubang mga dagko nga karsada nga “three lanes†mahimo ra nga maka-desilya ang anaa sa center lane. Sama ra nga kadtong mga sakyanan nga anaa naghunong sa lugar nga alang sa left turn only, unya nausab ang huna-huna sa mga drayber ug moderitso na siya, mahimo na siya nga dakpon.
Kuyaw ang iyang gihimo tungod kay ang mao nga sakyanan nga alang ra gayud unta nga mo-left turn makababag na man sa agianan sa sakyanan nga nagsubay sa center lane.
Kini maoy hinungdan nga ang mga drayber angay gayud unta nga motambong og mga seminar unya maminaw g’yud aron makasabot sa tukma nga pagmaneho og sakyanan.
Ang mga drayber ‘sab angay nga mohatag og “courtesy†sa mga sakyanan nga gusto nga mosulod sa highway gikan sa secondary road, ilabi na kun gikan kini sa wala nga habig sa nagsingabot nga sakyanan.
Pinaagi sa pagsinabtanay sa mga drayber diha sa karsada, malikayan ang away ug hapsay ang atong kadalanan. (BANAT NEWS)