CEBU, Philippines - Usa ka polis nga nadestino sa traffic division sa dakbayan sa Talisay giingong gibunalan og mono-block diha sa opisina sa traffic division niadtong Domingo sa hapon.
Ang biktima mao si SPO2 Nestor Canlobo, 48, nadestino isip traffic investigator diha sa traffic division.
Si Canlobo nagpa-blotter sa maong insidente diha sa Talisay City Police Station sa barangay Poblacion.
Ang suspetsado mao si Nelly Alia, 44, taga barangay Tabunok, dakbayan sa Talisay.
Base sa blotter sa kapolisan nga ang suspetsado giingong mianha sa traffic division diin si Canlobo niadtong higayona on duty.
Giingong sa walay igong rason gibunalan ni Alia si Canlobo og bangko ug maayong pagkaigo sa nawong sa nahisgutang polis ug sa walang kamot niini.
Ang Banat News misuway og tawag kang Canlobo aron kuhaan kini og dugang pamahayag kabahin sa hitabo sa iyang himuong lakang batok sa suspetsado apan wala kini mitubag sa iyang cellphone. (BANAT NEWS)