CEBU, Philippines - Gidunggab patay ang usa ka lalaki diha sa sitio Awihaw barangay Kalunasan dakbayan sa Sugbo alas 5:30 sa kaadlawon kagahapong adlawa .
Ang biktima naila nga si Jenny Alba Deguinon alyas Scarface, 39, nagpuyo sa barangay Talamban dakbayan sa Sugbo.
Base sa imbestigasyon nga ni SPO4 Rey Cuyos sa Homicide Section sa Cebu City Police Office, naglup-og na ang biktima sa kanal nga aduna’y samad-dinunggaban sa iyang lawas.
Ang mga sakop sa Crime Scene Investigation Unit sa Cebu City Police Office, nakakita og usa ka sandal ug usa ka sakoban sa kutsilyo diha sa crime scene.
Ang pitaka sa biktima nga naa sa tuong bulsa adunay sulod nga peke nga P500 ug photocopy sa iyang lisensya ug uban pang dokumento.
Gisubay pa sa kapolisan ang motibo sa maong krimen. (/EIM)(BANAT NEWS)