CEBU, Philippines - Gikawat sa usa ka lalaki ang cell phone nga balor og P5 mil sa sulod sa balay sa biktima didto sa barangay T.Padilla, dakbayan sa Sugbo sa miaging gabii.
Ang biktima giila nga si Mary Ann Pulian Mendoza, 36, molupyo sa maong lugar.
Base sa imbestigasyon sa kapolisan sa Parian Police Station, nasuta nga ang suspetsado nailhan lang sa ngalan nga Edgar.
Giingong misulod kini sa balay nga gipuy-an sa biktima kinsa milakaw sa maong higayon ug gibiyaan nga way tawo ang balay.
Nasuta sa kapolisan nga dihang gisukit sa biktima ang suspek, midagan kuno kini pahilayo sa maong lugar.
Padayon pa nga gipangita sa kapolisan ang suspek aron prisohon. (/WC)(BANAT NEWS)