CEBU, Philippines - Gitinguha sa konseho sa dakbayan sa Mandaue nga pauswagan ang bayranan sa Pre-Marriage Counseling Seminar sa mga kaslonon ug himoon na nga P100. May ordinansa na nga gihandos sa konseho kalabot niini apan wala pa kaaprobahi.
Gipangamahanan ni Konsehal Emmarie “Lollipop†Ouano-Dizon ang maong ordinansa nga iyang gisang-at sa miagi nilang regular session .
Sa ordinansa No.99/051 gimando niini nga himoong legal ang P100 nga bayranan sa Pre-Marriage Counseling Seminar sa buot magminyo, gikan sa naandang P27.50.
Gitataw ni Konsehal Ouano-Dizon nga ang dakbayan sa Mandaue nga usa ka highly urbanized city sa lalawigan sa Sugbo apan maoy labing ubos og bayranan kay tag-P27.50 ra sa magpa –seminar sa kaminyoon.
Sa maong ordinansa ni Ouano Dizon, giplastar niini nga P100 na ang bayranan sa seminar sa magminyo.
Gipasabot ni Konsehal Ouano-Dizon nga pinaagi sa maong ordinansa lakip nga bayranan sa magpakasal mao ang Civil Registry Fees , P20, Marriage Fees, P20 ,application fees, License fee, solemnization fees, P15 ug Pre-Marriage Counseling Seminar fee P100. (/WC)(BANAT NEWS)