CEBU, Philippines - Ang numero unong konsehal sa barangay Kamputhaw nga molansar isip presidente sa Barangay Councilors League of the Philippines (BCLP) karong adlawa kompyansa nga makadaog batok ni Cebu City ug national BCLP president Franklin Ong.
Matud ni Konsehal Raymond Garcia nga base sa survey sa mga sakop sa Team Rama, makakuha sila og botos di momenus 400 gawas sa 560 ka konsehal sa tibuok 80 barangays sa syudad sa Sugbo.
“As of our last count we are nearing to 400. We are ready for tomorrow’s (today) BCLP election,†matud ni Garcia.
Matud ni Garcia nga naglaum usab sila nga tanang nilansar ubos sa Team Rama makadaog susama sa nahitabo niadtong Association of Barangay Council (ABC).
“That’s what we are hoping for that ang momentum sa ABC elections straight voting mahitabo sab sa BCLP election,†matud niya.
Apan matud ni Carreta Barangay konsehal Helen Francisco, nga kandidato usab isip BCLP Executive Vice-President, adunay katungod si Garcia nga mosulti sa iyang pangagpas nga kadaugan gumikan kay matag indibidwal duna may demokrasiya.
Sigun pa ni Francisco nga di-usab papilde ang ilang presidente nga si Ong gumikan kay maayo ang performance niini isip presidente sa BCLP.
“Ang mga barangay kagawad naay hunahuna unsaon nila pagbotar aron usa ka lider sa usa ka organisasyon nga dili magsalig sa mga officials in the government but also has the initiative unsaon nila pagdumala ang ilang matag ginsakupan,†matud ni Francisco.
Ang mga konsehal nga kaalyado sa Team Rama nga molansar sa BCLP mao ang mosunod Garcia sa pagka-presidente, Litoy Ceniza sa Executive Vice-President (EVP), Eugen Tabas EVP South, Yody Sanches, EVP North, Grace Baquero sa pagka Secretary, Maria Pino sa Treasurer, David Agravante Auditor ug Gerry Auxilio Jr. sa Public Relations Officer (P.R.O.).
Samtang mga konsehal nga molansar isip Board Members sa South district mao sila Gena Cabantug, Jojo Perralta, Richard Buscaino ug Anne Vestil Palomo. Alang sa North district Troy Tan, Bradex Flores, Frank “Kukoy†Gajudo ug Lino Bontilao.
Ang mga kandidato sa Bando Osmeña Pundok Kauswagan (BOPK), Ong pagka-presidente (Kasambagan), Helen Francisco sa EVP (Carreta), Manolita Abarquez sa VP South (Poblacion Pardo), Rex Millan sa VP North, Garry Lao sa Secretary (Tejero), Joan Babayson sa Treasurer (Lorega), Raffy Briones sa Auditor (Tinago) ug Malou Tabar sa P.R.O. (Banilad).
Samtang kadtong mga kandidato isip Board of Directors sa south district mao sila Harry Cañete (Guadalupe), Atty. Noel Bacalla (Calamba), Arlene Montejo (Sudlon 2) ug Zenaida Amorez (Labangon). Sa South district mao sila si Aking Ruiz (Mabolo), Nelson Archival (Talamban), Keith Noel Wenceslao (Sambag 2) ug Ester Erma (Agsungot).
Ang eleksyon ipahigayon karong alas dos sa hapon sa White Gold House sa North Reclamation Area. (/EIM)(BANAT NEWS)