CEBU, Philippines - Nanawagan karon ang kagamhanan sa syudad sa Carcar nga pahimuslan sa mga negosyante ang ilang Business One Stop Shop nga padayon karon nga gipahigayon sa city hall hangtud sa Enero 20 ning tuiga.Sumala pa ni Carcar Mayor Nicepuro Apura nga gihimo nila kini aron mas madali ra ang paghikay sa mga gikinahanglanon alang sa pagkuha og business permit sa syudad.
Matud pa ni Apura, 20- minutos lang mahuman na ang pagproseso sa pagkuha og business permit ug dili na mahasol pa ang mga negosyante.Wala hinuon giklaro sa mayor kun may mga rekisitos ba nga gitangtang sa syudad aron madali ang maong proseso.Buot ni Apura tabangan ang mga negosyante nga dili mamultahan tungod sa kapakyas sa pagkuha sa maong dokumento. (BANAT NEWS)