CEBU, Philippines - Nasikop ang usa ka babaye nga nagpailang street cleaner human kini mibaligya og shabu sa mga sakop sa City Anti-Illegal Drugs Special Operation Task Force (CAIDSOTF) pasado alas 9 sa miaging gabii sa dalan Guadalajara sa barangay Guadalupe.
Ang suspetsado naila nga si Narcisa Sullera, 57, molupyo sa Barangay Guadalupe sa dakbayan sa Sugbo.
Nasikop si Sullera human gibaligyaan niini og shabu ang usa ka polis nga sakop sa CAIDSOTF bugti sa P200 nga buy bust money, napulo ka paketeng shabu usab ang nakuha gikan kaniya.
Apan hugot nga gihimakak ni Sullera ang pasangil batok kaniya ug matud pa niini nga ang uyab sa iyang anak nga naa sa Bilibid Prison maoy drug pusher ug sugoon siya usahay niini.
“Naa ra koy gihatod para sa akong apo, gidiretso man ko nila og dakop†sumala pa ni Sullera.
“Daghang mga konsehal kaila nako kay street cleaner ko sa barangayâ€, dugang pa sa suspetsado.
Matud ni Senior Inspector Eunil Avergonzado ang hepe sa CAIDSOTF nga normal lang nga ihimakak sa mga suspetsado ang ilang kalambigitan sa krimen. (BANAT NEWS)