CEBU, Philippines - Pasakaan og kasong reckless imprudence resulting to homicide and serious physical injury si Norman Monteron ang drayber sa trak nga mi-overtake sa cargo trak nga natagak sa pangpang nga miresulta sa kamatayon sa tulo ug pagkaangol sa 37 nga pulos trabahador sa katubhan sa miaging adlaw.
Si PO2 Dario Sta. Teresa sa Tabogon Police Station nga nahinabi sa Banat News miingon nga ila nang gihikay ang kaso ni Monteron aron ipasaka karong adlawa. Ang drayber sa natagak nga trak nga si Juvy Pedrano wala ra maunsa sa maong aksidente.
Sumala pa ni PO2 Sta. Teresa, duha na ka biktima ang mipirma sa ilang affidavit ug ipaubos sa inquest proceeding ang suspetsado karong adlawa.
“Siya (Monteron) gyu’y kasohan kay siya may hinungdan nganung natagak sa pangpang ang usa ka cargo truck,†matud pa ni PO2 Sta. Teresa. (BANAT NEWS)