CEBU, Philippines - Ang Department of Education (DepEd) nangayo karon og P600 million sa Department of Public Works and Highways (DPWH) alang sa reconstruction and repair sa mga nangaguba nga mga eskwelahan sa amihanang Sugbo.
Ang DepEd project engineers kauban ang DPWH mi-assessed sa danyos sa amihanang Sugbo nga naigo sa super typhoon Yolanda adtong Nobiyembre 8.
Si Victor Yntig, DepEd Field Supervisor ug focal person of the Regional Disaster Risk Reduction and Management Council (RDRRMC), mibutyag nga apektado ang duha ka mga schools division nga mao ang Cebu Province Division ug ang Bogo City Division.
Sa Cebu Province adunay 1,731 nga eskwelahan ang partially damage ug 311 ang totally damage samtang sa Bogo City adunay 237 ka mga partially damage ug 132 ang totally damage. Si Yntig nanghinaot nga anaa na ang budget alang sa reconstruction and repair sayo sunod tuig aron masugdan na nila ang magpahimo sa mga eskwelahan sa wala pa ang sunod abli sa klase.
“We are just relying with the DPWH for the reconstruction as the construction arm of the government,†matud niya.
Mapasalamaton usab ang DepEd sa mga pribadong grupo nga misaad sa pagdonar og mga learning kits sama sa textbooks ug reference books.
“We still have adopt-a-school program and adopt-a-classroom program,†matud ni Yntig.
Ang klase sa maong mga apektadong lugar nagsugod na apan si Yntig miklaro nga dili pinugsanay ang pagtambong sa mga estudyante tungod sa trauma nga nasinati niini tungod sa hitabo.
“Required number of days per year naa na but we will not be strict this time to cover due to the situation,†matud niya.
Ang klase temporary unang pagahimuon sa mga makeshift, barangay offices ug tents. (BANAT NEWS)