Mga ginikanan sa mga batang manaygonay kasohan sa DSWS

CEBU, Philippines - Pasakaan og kaso sa Department of Social Welfare and Services (DSWS) ang mga ginikanan sa mga batang makililimos ug mananaygon sa kadalanan nga nahipos atol sa gipahigayong rescue operation kauban ang kapulisan ug ang Anti-Mendicancy Task Force sa siyudad niadtong miaging Domingo.

Ang DSWS adunay nasutang pagdaghan sa mga batang makililimos ug mananaygon sa siyudad nga posibleng mahimong usa ka dakong problema sa katawhan.

Ang maong mga nasalbar nga mga bata gi-turnover na sa City Center.

 Matud pa ni DSWS chief Dr. Ester Concha nga ilang kasohan ang mga ginikanan sa mga bata tungod sa kalapasan sa Child Welfare Act.

“Mo-file ta’g case but we need to assess these people first kay kasagaran man gud ani kay pamilya. Makasugod ta’g duha o tulo at least motagam ni sila,” dugang ni Concha.

Sumala pa ni Concha nga di mahimo sa ilang buhatan nga mao lang ang mosulbad sa maong problema.  Apan, kinahanglan usab silang makig-alayon sa ubang ahensya sama sa pulisya.  (BANAT NEWS)

 

Show comments