CEBU, Philippines - Panimalos ang hinungdan sa pagpusil-patay sa usa ka lalaki didto sa Sitio Malingkoy barangay Lamesa Balamban sa miaging kaadlawon.
Ang biktima naila nga si William Diamante, 35, minyo, molupyo sa naasoy’ng lugar.
Base sa imbistigasyon sa kapolisan nasuta nga ang biktima natulog sa ilang balay dihang gisaka kini ug gipusil patay sa wala hiilhing kriminal.
Si SPO1 Jose Ranelito Villarino sa Balamban Police Office nahinabi sa Banat News, miingon nga hilabtanong pagkatawo ang biktima ug posibling daghan ang naglagot niini.
Padayon pang gipangita sa kapolisan ang kriminal. (BANAT NEWS)