CEBU, Philippines - Gipasanginlan sa usa ka inahan ang duha ka magtutudlo sa Simeon Ayuda Elementary School nga gidagmalan ang iyang duha ka mga anak sa managlahing higayon diha mismo sa tulonghaan.
Ang 32-anyos nga inahan nga miingon nga nahitabo ang pagpanapat sulod sa mga lawak sa iyang duha ka anak nga otso ug 10- anyos.
Matud pa sa maong inahan nga ang iyang otso anyos nga anak gidagmalan sa iyang maestra niadtong Martes ug ang 10- anyos niya nga anak gidapatan sab sa iyang maestra niadtong Nobiyembre 28.
Ang duha mga tinun-an sa Grade 5 ug Grade 3 sa maong tulonghaan. Ang inahan nga nahinabi sa The Freeman/Banat News miingon nga gidagmalan ang iyang mga anak sa ilang mga magtutudlo isip silot.
“Ingon ang bata gidapog kuno siya sa maestra kay wala kahuman og suwat…mura’g punishment pero wa ko kita og bun-og niya,†sumala pa sa inahan. Matud pa sa inahan magtutudlo sa iyang anak sa subject nga Makabayan ang maong maestra.Wa ilimod sa inahan nga tabian ang iyang anak apan dili kini kiatan.
Sa miaging semana, ang laing anak sa ginang misumbong usab nga gidagmalan sab siya sa iyang magtutudlo sa Science subject sa tuong aping.
Matud pa nga ang magtutudlo naglagot sa bata human kini giingnan nga “goodbye Miss Boang†dihang padulong na mogawas sa iyang klase ang maestra.
“Di man ingon nga mangita ko’g gubot pero di lang unta manapat,†sumala sa inahan.
Apan ang Regional Director sa Department of Education (DepEd) Dr. Carmelita Dulangon, nagkanayon nga kinahanglan nga mopasaka gyud og reklamo sa Division Superintendent ang maong inahan aron mahimoan og imbestigasyon ang maong hitabo.
“Moagi gyud na og due process and we have to know nganong naingon ana pero di nato na dapat i-tolerate kung dunay basis,†sumala ni Dulangon.
Gipugngan una sa Banat News ang mga pangalan sa maong magtutudlo hangtud nga di sila kakuhaan og habig. (BANAT NEWS)