CEBU, Philippines - Ang mga butang sa mga langyaw nga miabag sa mga biktima sa bagyong Yolanda dinhi sa nasud kinahanglang ipadala og balik sa nasud nga gigikanan niini. Matud pa ni Customs Collector Paul Alcazaren sa Sub Port of Mactan nga naglakip sa mga medical equipments, sakyanan ug mga highly taxables goods ang maong mga butang.
Midugang siya nga ila kining giimbentaryo aron sayon na lang ang pagpadala og balik niini ngadto sa ilang nasud sa gawas.
Ang maong mga butang naggikan sa mga nasud sa America, Russia, Japan, China, Israel, ug uban pa. (/WC)(BANAT NEWS)