CEBU, Philippines - Gawasnon na ang drayber sa 10-wheeler truck nga mibangga sa kabalayan sa lungsod sa Barili niadtong Sabado sa buntag nga nikalas og tulo ka tawo ug miangol og 16 human kini makapiyansa.
Si Adones Quiñanola, 37, nga taga Iloilo City mibutang og P30,000 nga piyansa alang sa temporaryo niyang kagawasan samtang paabuton ang paghusay sa kasong reckless imprudence resulting in multiple homicide ug multiple serious injuries and damage to properties.
Si Judge Leopoldo Cañete sa Regional Trial Court (RTC) in Barili ang mipirma sa release order ni Quiñanola.
Matud pa ni PO2 Florentino Cuadero Jr. nga niadtong Lunes pa na-file ang kaso sa korte human mi-waived si Quiñanola sa iyang katungod nga motubag sa mga alegasyon nga gipasaka batok kaniya diha kang state prosecutor Rustom Presas sa Cebu Provincial Prosecutor’s Office.
Ang insidente nahitabo niadtong NobIyembre 30, 2013 sa ala 6:30 sa buntag. (/EIM)(BANAT NEWS)