CEBU, Philippines - Gipahigayon sa syudad sa Sugbo ang ika -5 nga Association of Southeast Asian Nations (ASEAN) Carageenan and Seaweeds Industry Club (ACIC) sa ASEAN Cooperation in Agriculture and Forest Products Promotion Scheme (ACAFPPS) sa miaging Nobiyembre 27-28, 2013 didto sa Marco Polo Plaza Hotel sa syudad sa Sugbo. Adunay dul-an sa 50 ka mga delegado ang mitambong nga gilangkuban sa nasud sa Pilipinas, Indonesia, Myanmar, Malaysia, Lao ug Vietnam. Ilang gihisgotan ang bahin sa pagpalambo sa carrageenan ug seaweeds, matang sa industriya nga malambuon dinhi sa nasud. Si Director Leandro Gazmin, Assistant Secretary for Agribusiness and Marketing sa Department of Agriculture (DA),nagkanayon nga labi pang pakusgan karong tuiga ang produksiyon sa guso dinhi sa nasud. (BANAT NEWS)