CEBU, Philippines - Kritikal ang pag-umangkon ug uyoan nga 62 anyos kinsa nag-unay og linubaay didto sa barangay Lamac sa lungsod sa Consolacion sa miaging hapon.
Si PO1 Albert Jiminez sa kapolisan sa maong lungsod miingon nga unang gidunggab ni Asterio Pitogo, 62, ang iyang pag-umangkon nga si Jefflado Pitogo, 32 , minyo nga pulos nagpuyo sa maong dapit.
Matud pa ni PO2 Jiminez nga naigo sa iyang abaga si Jefflado apan nailog niini ang kutsilyo nga maoy gisumbalik niya pagdunggab sa liog ug dughan sa iyang uyoan.
Si PO1 Jiminez miingon nga nagkaaway ang ang duha gumikan s a sugal nga tong-it.
Hinuon naa na sa tambalanan ang duha ka mga biktima. (Romeo T. Limpangog/WC)
Vendor nagpagahi sa ulo peligro
Wala makapugong si Talisay City Mayor Johnny Delos Reyes nga 90 ka mga meat vendors sa pagpabilin niini sa karaan nga public market sa Tabunoc, syudad sa Talisay.
Kini luyo sa pagbadlong nga gihimo ni city engineer Audie Bacasmas tungod sa kahuyang na sa pundasyon sa maong building busa gipapahawa sila.
Busa gitakda ni delos Reyes nga siya na usab ang mobadlong sa maong mga vendor.
Kini sa tinguha nga masalbar ang ilang kinabuhi gikan sa tinong kamatayon kun malusno ang edipisyo. (BANAT NEWS)