CEBU, Philippines - Dili magpadala og dugang mga polis sa lungsod sa Ginatilan ANG Provincial Director sa Cebu Provincial Police Office Sr. Supt. Noel Gillamac. “For now no need na nga magpadala og augmentation from the Cebu Provincial Police Office,†sumala pa ni Gillamac sa Banat News.Giklaro sa opisyal nga duna na siya’y nadawat nga taho sa miagi pa nga semana kalabot sa pagdaog sa mi-protesta nga kandidato sa eleksyon.“Nakadawat ta’g report nga naay medyo lalis sa pagdaog sa mi-contest nga kandidato,†dugang ni Gillamac. Apan naglaum si Gillamac nga dili ra modako pa ang maong panaglalis tungod kay nagtuo siya nga morespeto ang maong mga kandidato sa due process.“I believe nga they will respect sa due process,†sumala pa ni Gillamac.
Kahinumdoman nga mipagawas og hukom si Judge James Stewart Ramon Jimalaloan sa RTC-7 Branch 62 sa lungsod sa Oslob nga ang nakadaug sa pagkamayor sa maong lungsod mao si Maria Liza Toledo ug pagka-bise mayor Maria Fema Duterte ug ang konsehal nga si Joel Divinagracia.
Ang gimandoan sa pagkanaog sa pwesto mao sila si Mayor Dean Michael Cinco, Bise Mayor Jose Ramon Gornez ug Konsehal Walter Tocao human gikuhaan ang ilang mga botos og ‘patterned votes.’
Ang patterned voting mao kadtong mga balota nga duna nay mga marka sa gawas sa mga oblong nga maoy pakoloran sa mga botante.
Sa iyang bahin si Cinco nipadayag sa iyang dakong kahibulong sa desisyon sa korte kay sa ihap sa PCOS machine niadtong election sa Mayo ug sa manual recounting sa korte siya ang nakadaug apan napildi na hinuon siya sa pagkanaug sa desisyon sa korte hinungdan nga miduso usab sila og motion for reconsideration.
Ugmang adlawa husayon ang petisyon sa kampo ni Toledo nga ipatuman na ang maong kamandoan. Samtang si Cinco ug kaubanan moapelar ngadto sa Comelec Manila sa maong desisyon. (BANAT NEWS)