CEBU, Philippines - Upat ka mga tawo ang nadakpan, usa kanila ang mabdos atol sa gihimong raid sa mga sakop sa National Bureau of Investigation (NBI)-7 sa giingong “shabu tiange†diha sa barangay Pulangbato ning dakbayan sa Sugbu sa miaging adlaw.
Ang NBI-7 pinangulohan ni Special Investigator Larry Dominguez mopasaka sa kaso diha sa Cebu City Prosecutor’s Office human sa tulo ka buwang surveillance operation sa maong lugar batok sa usa ka Rodelio Miñoza alias Tatay.
Apan si Miñoza wala diha atol sa raid, apan nadakpan hinuon sila si Leo Potot, 22; Brian Ledesma, 23; Wendrex Arias, 36; ug ang unom ka buwang mabdos nga si Irene Duyag, 29, tungod sa kalapasan sa Republic Act 9165 or Comprehensive Dangerous Drugs Act.
“Hindi namin na-arrested ang may-ari ng bahay…may nagtimbre. Pagdating namin doon itong apat lang ang nandon,†matud pang Dominguez.
Sumala pa niya, tulo na ka tuig nag-operate ang maong drug den nga nahimutang 100 lang ka metros gikan sa barangay hall. Nakuha diha sa lugar ang mga gagmay’ng pakete sa gidudahang shabu, mga drug paraphernalia, usa ka granada ug motorsiklo.
Sila si Potot ug Ledesma kusganong mihimakak nga manuyopay silang duha ug naatlan lang nga diha sila sa maong dapit atol sa raid.
Sa laing bahin, ang opisyal sa Philippine Drug Enforcement Agency (PDEA) 7 misalikway sa report nga dunay mga awtoridad nga protector sa illegal drug activities sa barangay Pulangbato.
Matud pa ni PDEA deputy regional director Espiridion Javier wala sila makadawat og report nga dunay polis nga protector sa maong illegal nga kalihokan.
“To make it clear, as the lead agency in anti-drug operations, wala akong knowledge na involved ang police,†matud pang Javier. Gibutyag niya nga wala usab sila makadawat og report bahin sa drug activities sa barangay Pulangbato.
Sumala pa niya, limitado ra ang mga sakop sa PDEA maong mipokus sila sa ‘high-value targets’ ug trabaho na sa polis ang pagsikop sa mga street pushers. Si Regional Intelligence Division (RID) 7 chief Pablo Labra II sa iyang bahin nagkanayon nga nibalik na usab ang drug activities sa Pulangbato base sa ilang mga nakaylap nga report.
Tungod niini, gimandoan ni Labra ang Cebu City Intelligence Branch (CIB) nga susihon ang maong report ug susihon usab ang report nga dunay polis nga maoy protector sa mga drug pushers sa maong dapit. (BANAT NEWS)