CEBU, Philippines - Gibisita ni Armed Force of the Philippines chief of staff Lt. Gen. Emmanuel Bautista ang Israeli field hospital nga naa nahimutang sa Bogo City niadtong Sabado.
Inubanan sa mga Israeli Defense Forces commanders, si Bautista mi-survey sa maong hospital human kini nakadawat og taho nga dako ang natabang nga gihimo sa Israeli operations ngadto sa mga biktima sa bagyo.
Gidayeg sa AFP chief ang mga staff sa Israeli troops sa ilang dedikasyon ug kakugi.
Matud pa sa press statement nga gipadala sa Israeli Embassy nga dalaygon ang lebel sa kooperasyon sa duha ka nasud.
Daku usab kining dungog ug prebilihiyo sa mga Israeli nga makatabang sa mga Pilipino, hilabi na sa panahon sa kalisod.
Ang maong field hospital nagsugod sa ilang operasyon kaniadtong Nobiyembre 15, 2013 nga gibutang atubangan sa Severo Verallo Memorial District hospital ug libo-an na ka mga Cebuanos ang ilang natambalan. (BANAT NEWS)