CEBU, Philippines - Duha ka vital lines sa Leyte ug Iloilo nisiga na gyud human sa duha ka semana nga nag-antos ang mga residente sa kawalay kuryente human sa bagyong Yolanda.
Matud pa sa National Grid Corporation of the Philippines nga ang power transmission restoration efforts nila miabante na sa mga lugar nga naigo human napasiga na ang maong mga linya.
"Lights were turned on for the first time at the Ormoc City Hall in Leyte two weeks after Typhoon Yolanda badly hit the area, renewing Leytenos' hopes for a bright Christmas as they start to rebuild their lives after the typhoon," matud pa sa NGCP sa ilang press statement nga gipadala sa Banat News.
Na-energized na sa NGCP ang ilang Ormoc-Simangan 69-kilovolt (kV) line nga konektado sa substation sa distribution utility nga Leyte Electric Cooperative V (LEYECO V), nga nag-distribute og kuryente sa Ormoc City.
Matud pa sa NGCP, nga ang ilang transformer sa Ormoc Substation operational na usab.
Sa Iloilo, na-energized na usab sa NGCP ang Dingle-Natividad 69-KV line sa samang adlaw. Ang maong linya konektado sa Iloilo Electric Cooperative III (ILECO III), diin nag-distribute og kuryente sa Iloilo apil na ang Anilao, Banate , Barotac Viejo ug Ajuy. (BANAT NEWS)