CEBU, Philippines - Ang Metropolitan Cebu Water District buot mopabakwit sa mga residente nga nagpuyo sa river beds o sa kilid sa suba duol sa Buhisan Dam kung molapas na gyud ang tubig nga sulod sa maong dam atol sa super typhoon Yolanda.
Matud pa ni Ernesto Delco, ang MCWD assistant manager for operations nagkanayon nga delikado sa mga residente kung molapas na ang tubig sa maong dam.
Apan sa pagkakaron, ang dam aduna ray siyam ka metro nga tubig nga gilawmon ug matud pa ni Delco ang dam maka- accommodate og 200,000 cubic meters nga tubig.
"Hubas-hubas gyud ang dam. So, bisan pa mag-uwan 24 oras, okey pa ang atong dam. Pero og mosobra na gani ang uwan unya sobra na sa capacity sa dam, we will be forced to recommend to the barangay officials concerned, for the residents to evacuate gyud," matud pa ni Delco.
Midungag si Delco nga on stand-by ang ilang tulo ka mga generators kung adunay blackout nga mahitabo.
"We can still supply at least 50 percent of our customers in our franchise area. We can still produce at least 100,000 cubic meters of water per day using our generators," dungag pa ni Delco. (BANAT NEWS)