CEBU, Philippines - Giawhag ni Presidente Benigno Aquino III ang iyang mga sakop sa kabinete nga magpabiling isug ug lig-on sa paghatag og suporta sa mga Bol-anon ning ilang pait nga kahimtang human maigo sa linog kaniadtong Oktubre 15.
Ang taho sa Philippine Information Agency (PIA) Bohol nagbutyag nga si Kalihim Mar Roxas sa Department of Interior and Local Government (DILG) mipasabot sa pahinumdom sa pamuno nasud nga “walang iwananâ€.
Kining maong pasalig gipabati sa pamuno nasud ngadto kang Gobernador Edgar Chatto sa Bohol atol sa unang pagbisita sa presidente didto sa maong lalawigan niadtong Oktubre 16.
Matud pa ni Roxas nga dili kabiyaan sa kagamhanan ang lalawigan sa Bohol sanglit usa kini sa nagtanyag og kauswagan sa natad sa ekonomiya,
Ang lalawigan sa Bohol nga nasabak sa 7.2 magnitude nga linog nakakontribuwer og dako kaayo sa natad sa pagkaon sa nasud.
Ang produksyon sa bugas humay sa Central Visayas gisandig ngadto sa taga Bohol.
Busa karong giduaw sila sa bug-at nga katalagman, nagkanayon ang presidente sa nasud nga ibubo niya ang tanan niyang tabang aron mobangon ang mga Bol-anon.
Sa miaging Huwebes sa gabii didto matulog ang pamuno nasud sa tolda sa mga military sa lungsod sa Loon, usa sa mga lungsod nga gilampurrnas og maayo sa linog. (BANAT NEWS)