CEBU, Philippines - Nanawagan si Presidente Benigno ‘Noynoy’ Aquino III sa tanang sektor nga motabang aron makabangon og balik ang taga Bohol sa tabang usab sa gobyerno.
“Huwag kayong mag-alala. May kakayahan ang gobyerno ninyong tugunan ang pangangailangan ninyo at iyon ang pakay ng gobyerno talaga, ang asikasuhin kayo. Kaya magtulungan tayo rito. Malalaktawan natin itong pagsubok na ito at kakayanin natin ito,†matud pa sa Presidente atol sa iyang pagbisita sa lungsod sa Sagbayan, niadtong Huwebes sa buntag.
Sa taho sa PIA7 Bohol, nasayran sa Banat News nga gipasalig ni Presidente Aquino nga andam ang gobyerno nga himuon ang tanan aron makabangon og balik ang Bohol ug mahibalik sa normal ang kinabuhi sa mga Bol-anon.
“Ang lahat ng nagsasabing wala nang pondo at iba pa, nagkakamali sila. Siyempre, bago natin maitayo ito, hindi naman ura-urada. Katulad doon sa port ng Tubigon, iniutos kong pag-aralan ang disenyong ginawa ng port mismo. Dahil kung ibabalik natin, sana hindi lamang katulad nang dati. Baka mas maganda pa kaysa dati,†pasabot sa Presidente.
Midugang pa ang Presidente sa pag-ingon nga tabangan usab nga mapabarug pagbalik ang mga makasaysayanong simbahan nga gihugno sa linog niadtong Oktubre 15.
Gitumbok sa Presidente nga kinahanglang manguli na sa ilang mga panimalay ang mga katawhan human kini masusi sa mga hanas ug batid nga mga enhinyero aron mahibalik sa normal ang ilang mga kinabuhi.
Matud pa sa Presidente, dili na makasinati og kusog nga linog ang Bohol sumala sa gipasalig sa mga tinugyanan sa Philippine Institute of Volcanology and Seismology (Phivolcs) tungod kay giingong napagawas na tanan ang kusog sa fault nga may duha hangtud tulo ka semana nga mga aftershocks.
Hinuon sumala sa PIA nga ang mga Bol-anon kansang mga balay nangatumpag, maglisud pa sa pagpauli kay wala silay kapuy-an. Ang uban nagtolda tapad sa ilang nagusbat nga balay apan padayon pa nga nagdawat og hinabang gikan sa mga tinugyanan sa kagamhanan ug pribadong mga pundok. (BANAT NEWS)