CEBU, Philippines - Ang mga fraternity sa dakbayan sa Talisay wala magpabadlong samtang nagkaduol na ang kapistahan sa siyudad matud pa ni Supt. Resty Santos, officer-in-charge sa Talisay City Police Station.
Kahinumduman nga sa milabay’ng mga tuig dunay mga kagubot nga nahitabo sa mga sakop sa fraternity sa siyudad samtang nagpadayon ang mga kalingawan alang sa kapistahan.
Sa sunod semana o karong Oktubre 15, 2013 ang Talisay magsaulog kini sa kapistahan sa ilang patrona Santa Teresa de Avila.
Niadtong Oktubre 1, 2013 gipahigayon ang opening salvo diin nagsugod na usab ang mga kalihukan alang sa pista, apan namatikdan sa kapolisan nga way bisan usa ka kagubot nga nahitabo nga gikalambigitan sa mga fratmen.
"Walay crime involve ang fraternity.....okay man ang fraternity basta ang grupo dili lang gamiton sa gubot....ang fraternity brotherhood man na..... ang uban lang sakop malambigit sa gubot tungod sa garbo ug gara-gara," ni Santos pa. (BANATNEWS)