CEBU, Philippines - Usa ka lalaki nga padulong mosakay og jeep naangol human kini pusila didto sa dalan F. Jaca sa barangay Pardo sa dakbayan sa Sugbo sa alas 5:00 sa buntag sa miaging adlaw.
Ang biktima base sa blotter sa homicide section naila nga si Michael John Zafra, 18 , lumolupyo sa sitio Tunob-Lapok, barangay Inayawan sa dakbayan sa Sugbo.
Samtang ang mipusil kaniya naila lamang sa tawag nga “Anec†nga gikataho nga nagpuyo sa sitio Lumboy sa barangay Inayawan sa dakbayan sa Sugbo.
Nasuta sa taga homicide section sa kapolisan nga samtang padulong na mosakay ang biktima sa usa ka jeep, kalit kining gipusil sa suspetsado sa iyang luyo sa walay igong rason.
Dali nga midagan ang suspetsado palayo sa lugar nga nahitaboan
Nakaangkon ang biktima og usa ka samad sa iyang walang bukton nga dali usab nga gidala ngadto sa Cebu City Memorial Medical Center aron mapatambalan.
Padayon pa ang imbistigasyon sa kapolisan sa pag-ila sa nagpusil sa biktima samtang nagpaalim pa kini sa iyang samad pinusilan sa tambalanan. (BANAT NEWS)