CEBU, Philippines - Tulo ang naangol usa niini menor de edad atol sa pagbuto sa mga pabrika sa mga pabuto kagahapon sa hapon diha sa Purok Rambo, barangay Babag, dakbayan sa Lapu-Lapu.
Si PO1 Lexter Alvario mibutyag nga ang mga biktima giila nga si Noli Baylosis Aying, 21-anyos, Marlon Casas Docanes, 19, ug ang 16-anyos nga batang lalaki parehong mga residente sa lugar.
Si Aying ang giingong maoy nakaangkon og grabeng mga paso sa lawas niini.
Ang maong factory sa pabuto gipanag-iya kini ni Liza Aying. Si Alvario midugang nga nagpahigayon pa sila og dugang imbestigasyon sa hinungdan sa pagbuto sa mga pabuto diha sa maong factory. (/EIM) (BANAT NEWS)