CEBU, Philippines - Gihimakakak sa mayor sa dakbayan sa Sugbo Michael Rama ang pasangil nga gigamit niya ang pundo sa syudad aron sa pagpakaon sa mga mimartsa batok sa pork barrel ganinang buntag.
Matud ni Rama, imposible nga manghatag siya’g pagkaon kay bisan gani siya mikaon ra sa iyang naagian nga kan-anan samtang nagmartsa gikan sa Fuente Osmeña paingon sa Plaza Independencia.
Samang sentimyento ang gipadangat sa organizers sa indignation rally nga mipasabot nga wala nanginahanglan og pagkaon gikan sa mayor ang mga misalmot sa maong rally.
“No, no, no. The marchers were not given food. Most of the marchers were professionals. They did not need to be given food at all! That’s a lie. Maria. And I bought siopao. Marc Canton had to go home early because he had a headache from not eating. Do you give food packs to the likes of Fr. Ernie, Carmen Campbell, Tina Ebrada, Dr. Maureen Santos, Frank Malilong?,†ang tubag ni Louella Alix, usa sa mga convenors sa Movement for a Livable Cebu nga maoy nangulo sa indignation rally. (/EIM) (BANAT NEWS)