CEBU, Philippines - Mokabat sa 131 ka mga Local Government Units (LGUs) sa Central Visayas ang mipirma og Memorandum of Agreement (MOA) tali sa Department of Social Welfare and Development sa rehiyon 7 (DSWD-7) alang sa gikinahanglang listahan sa mga kabus nga kabalayan.
Matud pa ni Kerwin Macopia, tigpamaba sa National Household Targeting System for Poverty Reduction (NHTS-PR) sa DSWD 7 nga ang tanang lungsod ug syudad sa Sugbo nakapirma na og MOA lakip na ang 25 ka LGUs sa Negros Oriental ug lain pang unom ka LGUs sa probinsya sa Siquijor.
Giklaro ni Macopia nga ang lungsod sa Loay sa probinsya sa Bohol mao nalang ang kulang aron makumpleto na ang pagpamirma og MOA sa mga LGUs sa mga kalungsoran sa probinsya sa Bohol.
“Partnering with the LGUs and other social protection stakeholders is of great importance in order to effectively implement the various poverty alleviation programs and services,†kini sumala pa ni DSWD 7 Regional Director Mercedita Jabagat.
Gipadayag ni Macopia nga ang datos gikuha pinaagi sa listahan o NHTS-PR diin usa kini ka information management system sa DSWD nga maoy modeterminar kung asa dapit makita o kung si kinsa kadtong mga labing kabus nga kabalayan sa tibook Pilipinas.
Sumala pa ni Macopia nga gigamit ang limitado nga galamiton sa gobiyerno, ang maong ahensya miila sa panginahanglan sa pagbaton sa klarong basehanan sa pag-ila sa mga kabus ug kung asa kini makaplagan aron masiguro nga ang ilang galamiton direktang mahatod ngadto sa mga nagkinahanglan pag-ayo niini.
“Listahanan, Talaan ng Pamilyang Nangangailangan, is the first of its kind in the Philippines where we give a face and a name to the poor household,†kini dugang pa ni Jabagat.
Dugang pa ni Jabagat nga ang maong database alang sa mga kabus nga kabalayan nagpakita sa nagkadaiyang poverty thresholds sama sa komposisyon sa mga kabus nga kabalayan, membro sa maong panimalay, taas nga kalidad sa edukasyon ug kasamtangang trabaho, hulagway sa estraktura sa panimalay lakip na ang agianan niini sa paghatud sa mga bantayog nga serbisyo.
Sutaon usab ang pasilidad sama sa tubig, kuryente ug kasilyas, pagpanag-iya og balay niini lakip na ang kabtangan ug uban pa.
“Hence, I urged LGUs and NGOs to use the available data to formulate appropriate social protection programs and services specifically to address the welfare of the poor,†kini butyag pa ni Jabagat.
Gisaysay ni Macopia nga ang Provincial Government sa Bohol ug Negros Oriental nakapirma na og MOA sa ilang buhatan.
Gawas sa ahensya sa gobiyerno, ang mga NGOs sama sa Ramon Aboitiz Foundation Inc. (RAFI), Outreach Program on Trainings, Integral Organizing and Networking for Solidarity Inc. (OPTIONS), Alay Lakad Foundation,ug Euphrasia Parent Association Inc. mipirma usab og MOA sa DSWD 7 aron aduna usab sila’y magamit.
Gibutyag ni Macopia nga matag upat ka tuig, ilang e-update ang mga datos nga nakolekta ug nga adunay ika duha nga hugna sa pag-abalo sa panimalay karong umaabot Septiyembre ug Oktubre ning tuiga. (BANAT NEWS)