CEBU, Philippines - Tungod sa nahitabong pagpamomba sa Cotabato City ug sa mikatap nga bomb threat sa lalawigan sa Sugbo, usa ka simulation exercises ang gihimo diha sa Talisay City Police diin gipakita sa kapolisan ang ilang katakus pagtubag sa mga alarma.
Ang hepe sa kapolisan sa lalawigan sa Sugbo, Sr. Supt. Patrocinio Comendador mipadayag nga ang gihimong simulation exercises kabahin lamang sa pagpangandam sa kapolisan panahon sa emerhensiya.
“Through this we will be aware of the reaction of the people in the environment on how they would react,†pasabot pa ni Comendador.
Adunay mga nakitang ginagmay’ng lapso si Comendador sama sa mga photographers nga nakalusot sa police line.
“Dunay nakasulod pero ato lang gipasagdan kay it happen man in real situation so they have to tighten the crowd control,†padayag pa ni Comendador.
Samtang si Talisay City Mayor Johnny “JVR†Delos Reyes, nga diha usab sa maong kalihokan miingon nga kinahanglang suportahan ang kapolisan sa dakbayan sa Talisay sama sa pagdugang og handheld radio ug patrolcars.
Plano usab ni JVR nga makabaton og kaugalingong Special Weapons And Tactics, pagpalit og mga Close Circuit Television (CCTV) cameras. (/EIM) (BANAT NEWS)