CEBU, Philippines - Duha ka buwan ang nilabay gikan nabalhog sa Cebu Provincial Detention and Rehabilitation Center (CPDRC) si Joavan, anak ni kanhi mayor ug karon Councilor Socrates Fernandez nakautang og P140,000 sud sa selda.
Matud ni Jail Warden Romeo Manansala nga si Joavan kusog magparaya sa ubang piniriso ug iya ra kining pakuhaon sa canteen ug ipalista sa iyang pangalan.
“Amo na siya giingnan nga ayaw pag-ingon ana kay kahibalo ka nga kun unsa ang parusa sa council, if dili makabayad patakalan ginamit ang usa ka kahoy,†matud niya.
Apan matod niya si Joavan mipasalig nga makabayad ra siya sa iyang utang. Matod niya nga nakabayad na hinuon og initial payment nga P30,000 si Joavan sa miaging adlaw.
Ang polisiya sa kan-anan sa maong bilanggoan matod pa ni Manansala nga ang utang motubo og 10 porsiyento kada semana. Ang kantina gipadagan sa mga piniriso ug ang kwarta nga gigamit niini kwarta sa mga piniriso.
Matud pang Manansala dunay polisiya ang mga kadagkoan sa mga priso nga silotan gyud ang piniriso nga di mobayad sa utang. Ang pagtakal matod niya depende sa gidak-on sa utang, isip disiplina.
Giklaro hinuon ni Manansala nga ilahang pakgangon ang maong patakaran kun grabe na.
Nabalhin si Joavan sa CPDRC niadtong Mayo 22, 2013. Kini human ang usa niya ka kaso nga anaa sa Regional Trial Court Branch 10 usa man ka non-bailable offense ang illegal possession of explosives.(/EIM) (BANAT NEWS)