CEBU, Philippines - Patay nang nahidangat sa tambalanan ang usa ka menor de edad human kini gipusil sa nagmotorsiklong mamumuno pasado alas-8 sa miaging gabii diha sa dalan sa Bonifacio barangay Cogon East lungsod sa Carmen. Ang biktima nailhan nga si Aljhoed Doños Basaka, 16. Ang biktima nagbaklay uban sa laing duha niini ka higala sa maong dapit dihang gihunongan og itom nga motorsiklong walay plaka ug ang backrider kalit mipusil sa walang bukton sa biktima nga milapos ngadto sa tuong bahin sa iyang dughan.Patay na kini pag-abot sa Cebu Provincial Hospital sa dakbayan sa Danao. Sa pakighinabi sa Banat News kang PO2 Jerome Quimque sa Carmen Police giingong daghan nang mireklamo sa pagkabugoy sa biktima ug giingong sakop sa usa ka gang.Nakuha sa crime scene ang tulo ka kabhang sa kalibre .45 nga posibling maoy gigamit sa pagpusil patay sa biktima. (/EIM) (BANAT NEWS)