CEBU, Philippines - Ang kagamhanan sa dakbayan sa Sugbo wala makatuman sa ilang gipasalig ngadto sa mga “city scholars†nga hatagan og tag P1,000 nga school supplies ug allowance matag semester.
Daghang mga tinun-an ang wala pa gani makadawat sa ilang allowance kaniadtong school-year 2011-2012 ingon man sa school-year 2012-2013.
Si Mayor Michael Rama wala kaayo makahatag og tukma nga pagpasabot niining maong isyu kay matud pa niya iya kini nga itugyan sa mga sakop sa City Scholarship Committee.
Ang mga “city scholars†gipagahinan kini og P300 milyones karong tuiga alang sa ilang tag P10,000 nga scholarship grants sa matag usa ka scholar sa matag semester walay labot ang usa ka libo ka pesos nga allowance sa school supplies.
Dunay mga scholars nga nagpaabot pa gani nga tumanon sa mga midaug nga opisyal ang gipasalig nila nga dublehon ang school supplies allowance atul sa ilang pagpangampanya sa miaging eleksyon. (BANAT NEWS)