CEBU, Philippines - Ang abogado nga si Noel Archival miprotesta batok sa mga opisyal sa Hi-way Patrol Group (HPG) kagahapon sa udto human wala gi-release ang sports car sa iyang kliyente bisan pa man nga aduna nay court order.
Si Archival uban ang court sheriff miadto sa buhatan sa HPG sa Camp Sotero Cabahug aron i-implimentar ang writ of replevin nga giluwatan ni Regional Trial Court (RTC) Judge Simeon Dumdum sa Branch 7.Apan si Archival nadismaya kini human ang Active Hybrid 750 LI BMW wala gihatag sa HPG. Si Chief Inspector Renny Eguia, hepe sa operation sa HPG giingong wala motuo sa maong court order tungod kay giingong “null and void†kini.
Wala makahibalo si Archival kung nganong null and void ang maong court order. Si Eguia wala makuhai og pamahayag sa mga tigbalita.
Ang maong sports car anaa marehistro sa ngalan ni Maria Paz Yu, ang ugangang babaye ni Joven Tan Entote giaresto tungod sa karnapping.Si Entote gisikop sa operatiba sa Presidential Anti-Organized Crime Commission (PAOCC) ug sa Philippine National Police-Highway Patrol Group (PNP-HPG) sa parking lot sa Casino Español de Cebu sa V. Rando Street, Barangay, Cogon-Ramos, siyudad sa Sugbo. Si Entote naabswelto sa maong mga kaso.
Si Entote gipasanginlang notadong carnapper. Atol sa pagpangronda sa iyang balay sa Barangay Banilad gi-raid sa HPG niadtong Agosto diin ubay-ubay nga mga gituohang carnapped vehicles ang nakuha sa mga operatiba.(/EIM) (BANAT NEWS)