CEBU, Philippines - Ang Philippine Overseas Employment Administration (POEA) mipasidaan sa mga Filipino Household Service Workers (HSWs) nga nagtrabaho sa Hong Kong batok sa mga gitanyag nga pekeng trabaho sa Canada.
Matud pa ni POEA chief Hans Leo Cacdac, may 44 ka Filipino HSWs sa Hong Kong ang nabiktima na sa maong pangilad diin nagbayad pa og placement fee alang sa mini nga trabaho sa Canada.
Gitumbok ni Cacdac ang Yamsuan and Associates Overseas Employment Services Ltd./Pacific Management Services Ltd., nga giingong gidumala sa usa ka Pinoy ang nagpapaskil og pahibalo sa usa ka English nga pamantalaan sa Hong Kong aron modani og mga trabahante nga magbayad og $100 hangtud sa $300 nga placement fee alang sa giingong trabaho sa Canada apan nadiskobreng mini o “non-existent†kini.
Gitambagan ni Cacdac ang mga aplikante nga magbinantayon gayud ug tun-an og maayo ang himuong pakig-deal sa mga recruitment firms. Pasidaan pa ni Cacdac, “Scammers with tempting job offers are out there, waiting to pound on unsuspecting applicants who are willing to part with their hard-earned money for a chance to work overseas." (BANAT NEWS)