CEBU, Philippines - Siyudad sa Mandaue ug siyudad sa Dumaguete nagkauyon nga maghiusa alang sa kalamboan sa duha ka siyudad.
Nagkasabot karon ang duha ka siyudad pinaagi sa mga mayor niini nga sila si Mandaue City Mayor Jonas Cortes ug Dumaguete City Mayor Manuel Sagabarria nga mohulma og sisterhood agreement.
Ang Mandaue ug Dumaguete magbinayloay pagpadala og tag 24 ka mga opisyales sa siyudad alang sa “Lakbay-Aral†sa tinguhang ang isi’g ka siyudad dunay makat-unan sa ilang “best practices†nga gikinahanglan nila sa paglambo.
Si Cortes maoy mangulo sa pagbisita ngadto sa dakbayan sa Dumaguete kuyog ni Bise Mayor Glenn Bercede, mga sakop sa konseho ug mga department heads niini.
Samtang si Sagabarria uban usab sa iyang mga opisyales mobiyahe sa Mandaue sa samang katuyoan.
Si Mayor Cortes miingon nga ang iyang administrasyon kasamtangan karong nagpalig-on sa public-private partnership program sa tuyo nga mahatagan og pagtagad ang mga nag-unang panginahanglan sa mga Mandauehanon. Matud pa niya dunay mga makat-onan gikan sa ubang dapit nga posibleng magamit sa siyudad alang sa kalamboan niini. (BANAT NEWS)