CEBU, Philippines - Gisaulog kagahapon ang ika- 52 nga Charter day sa dakbayan sa Lapulapu human kini mahimong siyudad sukad niadtong Hunyo 16, 1961. Pinaagi sa usa ka Presidential Proclamation diin ang June 16, 2013 usa ka non-working holiday sa dakbayan sa Lapulapu, gumikan niini wala’y trabaho ug wala’y klase sa tanang level sa mga tunghaan sa dakbayan sa Lapulapu. Nunot sa maong kasaulogan ang mga opisyales ug kawani sa dakbayan sa Lapulapu adunay nakalinya nga programa sa maong kasaulogan nga gisugdan sa usa ka flag raising atubangan sa City Hall uban nila ni Cong. Elect Aileen Radaza, Mayor Paz Radaza ug Vice Mayor Marcial Ycong ug mga konsehal sa dakbayan sa Lapulapu.
Laing kalihukan usab kagabii ang gihimo diin usa niini mao ang paghatag og pasidungog sa duha ka mga batan-on sa maong dakbayan nga nakahatag og dakong dungog sa dakbayan sa Lapulapu.
Lakip sa gipasidunggan mao si Satoshi Toyoda, ang Hapon nga nagpakabana sa pagkadiskubre sa pagkaguba sa mga gasang sa Kontiki wall sa Brgy. Maribago human dasmagi sa Cebu Yellow Submarine sa milabay’ng bulan sa Abril.
Matud pa ni Mayor Radaza angayan silang pasidunggan gumikan sa ilang nahatag nga kaayohan sa dakbayan sa Lapulapu ug mao kini ang gikinahanglan sa lokal nga kagamhanan sa panaghiusa sa pagpakabana alang sa dakbayan sa Lapulapu.(BANAT NEWS)