CEBU, Philippines - Nagpakitabang ang barangay kapitan sa isla sa Carnaza, lungsod sa Daanbantayan sa bag-ong administrasyon sa Kapitolyo aron masanta ang ilegal nga panagat sa iyang dapit.Si Barangay Kapitan Jose Moreno nibisita sa buhatan ni Bise-Gob. Agnes Magpale niadtong Biyernes aron pagpadangat sa maong reklamo.
Gipasalig hinoon ni Magpale nga ilang aksiyonan ang maong reklamo ilabi na ang usa sa hatagan og pagtagad unya sa administrasyon sa bag-ong gobernador Hilario Davide III mao ang pagsumpo sa ilegal nga panagat sa tibuok lalawigan sa Sugbo.Matud pa ni Magpale nga may nadawat sila nga taho nga dunay mga lokal nga opisyal ang nakasapi sa maong ilegal nga kalihukan sanglit nagdawatan kini og kwarta gikan sa mga operators hinungdan nga nagpadayun ang kalihukan sulod na sa dugay nga panahon.
Gipadayag ni Moreno nga ang gagmay’ng mga mananagat igo nalang sa paglantaw sa kadagatan diin himoon ang ilegal nga pagpanagat daplin na sa baybayon.“Wala ma’y mahimo intawon, maglantaw nalang sila nga naa ra sa daplin maghimo sa illegal,†matud pang Moreno.Ang Carnaza adunay 173.5 ektaryang gidak-on ug gilibotan sa Visayan Sea nga abunda kaayo sa isda. Malaumon si Moreno sa bag-ong administrasyon nga maoy makapahunong sa ilegal nga panagat.
Gipasalig usab sa bag-ong mayor sa Daanbantayan, Augusto Corro, nga sumpoon ang ilegal nga panagat sa tibuok lungsod sa Daanbantayan.Sayo niini si Corro mipasalig nga iyang tumanon ang tulo ka dagku niyang saad sa niaging kampanya sama sa pagsumpo sa ilegal nga panagat, pagbukas pagbalik sa mga sementeryo nga gisirad-an ug ang pagtugyan pagbalik sa mga waterworks systems ngadto sa kabarangayan. (BANAT NEWS)