CEBU, Philippines - Dise siyete ka mga draybers sa jeep de pasaheroan ang positibo nga tig-gamitan og shabu atol sa random roadside drug testing nga gipahigayon kagahapon sa buntag sa siyudad sa Lapulapu City nga gipanguluhan sa Transportation Office-7.
Matud pa ni LTO-7 regional director Raul Aguilos, nga 84 ka mga PUJ draybers ang gi-testingan og 17 niini positibo gyud nga naggamit og shabu.
Sumala pa ni Aguilos nga gi-revoke ang mga lisensiya sa mga draybers nga nasakpang mga adik.
"This is very alarming for road users along that area kay ubay-ubay gyud ang positibo," matud pa ni Aguilos nga nahinabi sa Banat News.
Ang mga lisensiya sa mga draybers nga gikompiskar mabalik ra kanila human sa unom ka buwan nga sila mipailawom og drug rehabilitation.
Gawas sa mandatory drug rehabilitation, pabayron usab sila og P10,000 nga multa ug mopakita sila og a drug test result nga magpakita nga negatibo na sila sa paggamit sa ginadiling drugas.
"All other agencies must work together to address this concerns," dungag pa ni Aguilos. (BANAT NEWS)