CEBU, Philippines - Usa ka tiguwang nga giingong maoy gidaganan sa magtiayong big time drug pusher nga nakaipsot sa anti-illegal drugs operation didto sa Liloan nadakpan atol sa buy-bust operation pasado alas singko sa hapon sa miaging adlaw diha sa barangay Pulpogan lungsod sa Consolacion. Ang nasikop mao si Rufino “Father†Cinco, 73, molupyo sa maong dapit. Siya giingong nakuhaan og upat ka medium packs nga gituohang shabu ug laing usa ka gamay’ng pakete nga duna gihapoy sulod nga gituohang shabu.
Ang kapolisan sa Provincial Intelligence Branch, nakadawat og taho kalabot sa pagpamaligya og ginadiling drugas sa usa ka Esyat Pepito sa maong dapit.
Si Pepito mao ang asawa ni Bebot Pepito ang bigtime drug pusher nga nakaeskapo niadtong bulan sa Marso, apan usa sa iyang mga sakop ang napusilan ug pito ang nangaangol sa nahitabong pinusilay sa Liloan. Apan sa pag-abot sa grupo ni SPO1 Reynaldo Solante nakabantay si Pepito nga polis ang iyang katransaksyon hinungdan nga dali kining miikyas. Si Cinco wala na makadagan pa .
Matud pa ni Solante nga idlas gyud si Pepito tungod kay makadaghang higayon na nila kining gisuwayan pagsikop sa lungsod sa Liloan apan kanunay kining makaipsot. (BANAT NEWS)