CEBU, Philippines - Ang Land Transportation Franchising and Regulatory Board (LTFRB) nagplano sa pag-abli og mga developmental routes sa mga lugar nga wala pay giaprubahang mga rota.
Matud ni LTFRB chairman Winston Ginez nga mao kini ang usa sa mga issue nga nahisgutan sa tanang regional directors sa Pilipinas atol sa 2nd quarter National Conference sa LTFRB, kagahapon sa Quest Hotel.
Gitataw ni Ginez nga usa kini sa mga sugyot sa mga regional directors, ilabi na sa Sugbu nga usa sa dunay labing paspas nga pagsaka sa ekonomiya tungod sa mga economic zones sama sa Megaworld sa Lapu-Lapu, ug sa Talisay City ug Cebu City tungod sa South Road Properties.
“There are many areas already sprouting in the outskirts of Cebu pero wala pang ma-authorize na mga public utility vehicles para sa mga lugar na ito,†matud pa ni Ginez.
Tungod niini magkinahanglan og dugang mga prangkisa alang niining mga bag-ong mga rota. Matud ni Ginez, nga naglihok na sila karun alang sa pagpang-apud sa mga bag-ong Certificates of Public Conveyance alang sa pagtubag sa hangyo sa mga regional directors.
Kini aprobahan sa Transport Planning Division sa Department of Transportation and Communications (DOTC). Samtang, giklaro ni Ginez, nga ang mga regional directors sa matag probinsiya gihatagan og awtoridad sa pag-isyu og prangkisa, apan mas maayo gyud kung aprobado gyud kini sa DOTC. (BANAT NEWS)