CEBU, Philippines - Nagtinguha ang naparot nga kandidato sa pagkamayor sa dakbayan sa Lapulapu nga si Efrain Perlaez Jr. sa pagpawalay-bili sa proklamasyon ni Mayor Paz Radaza ug mga kauban niini sa Team Deretso nga midaug sa miaging mid-term 2013 Elections.
Si Pelaez mialigar nga gi-terrorized ug gipanghulga ang iyang mga tigpaluyo aron di sila makabotar niadtong eleksyon.
Gitakda nga isumitir ni Pelaez iyang protesta ngadto sa ulohang buhatan sa Commission on Elections (Comelec) Manila.
Ang iyang protesta nga pag-nullify sa proklamasyon sa kampo ni Radaza gitubag usab og bawos nga pasangil gikan sa kampo sa mayor nga mi-aligar usab nga misuway pagpanuborno og kuwarta si Pelaez sa usa ka botante sa isla sa Olango. (BANAT NEWS)