Kagawad nakaipsot sa buybust

CEBU, Philippines - Gipangita karon ang usa ka barangay kagawad human giingong nakaipsot sa gihimong buybust operation sa kapolisan sa Oslob diha sa Sityo Bogo barangay Alo sa lungsod sa Oslob niadtong Miyerkules sa alas 4:00 sa hapon.

Ang naka-eskapo nga kagawad sa barangay mao si Alexander Londay, nagpuyo sa maong lugar apan nadakpan ang iyang i-agaw ug giingong iyahang runner nga si Edmar Londay, 22.

Ang hepe sa Oslob Police nga si Insp. Alejandro Batobalonos giingong nakadawat og report bahin sa pagpamaligya og gidiling drugas sa maong barangay official sa maong dapit.

Gamit ang P1000 nga buybust money ug usa ka poseur buyer nga polis giingong gipalitan sa mga polis og drugas ang suspek.

Apan nakahigayon og dagan ang kagawad dala ang buybust money nga gibitbit ug wala na maapsi, nakuptan hinuon ang gitumbok nga iyang runner nga si Edmar. Ang kapulisan padayun pa sa ilang hot pursuit operation hangtud kagahapong adlawa aron pagsikop sa maong kagawad. (Darrel Carumba/EIM) (BANAT BALITA)

Show comments