CEBU, Philippines - Mipasaka og pormal nga reklamo ngadto sa Commission on Election (Comelec) ang kanhi mayor sa Dumanjug batok sa kasamtangang Mayor Nelson Garcia tungod sa giingong pagpamalit og boto niadtong milabay’ng eleksyon. Ang kandidato sa Liberal party pagka-mayor nga si Cesar Baricuatro mibutyag sa Banat News nga dunay mga nagreklamo niya human mohatag si Garcia og P10 mil sa unom ka pulis sa Dumanjug nga nakadakop og mga goons nga gipasangil nga iyang mga tawo. Matud pa ni Baricuatro andam moluwat og pamahayag ang mga pulis nga gihatagan ni Garcia og kwarta.
Sa iyang bahin, wala ilimod ni Garcia nga mihatag siya og kwarta sa mga polis niadtong petsa 3 sa Mayo,apan giklaro niya nga ang kwarta dili bayad apan insentibo para sa mga pulis sa pagdakop sa mga giilang “most wanted.â€Niadtong ika-5 sa Abril, gidakop sa kapulisan ang lima ka armadong lalaki sa bukirong barangay sa Dumanjug kinsa giingon ni Garcia nga mga tawo ni Baricuatro. Butyag ni Garcia, obligasyon niya isip mayor nga mohatag og pahalipay sa mga tawo sa ilang lungsod nga nagpakita og maayong buluhaton nga nakatabang nila. Ang pag-award sa mga pulis gihimo atubangan sa mga tawo ug adunay representante sa Cebu Provincial Police Office ug sa Provincial Regional Office, matud pa ni Garcia.
Gikwestyon sab ni Garcia ug nganong vote-buying ang gireklamo ni Baricuatro nga dili man botante sa ilang lungsod ang maong mga pulis.Dugang ni Garcia ug naa man makiha og vote-buying, si Baricuatro kini tungod kay nakit-an “kuno†namalit og boto pagkagabii sa wala pa ang eleksyon. Apan kusganon usab kining gihimakak ni Baricuatro tungod kay matud pa niya wala siyay kwartang ikapalit og botos ug kadto rang mga mitabang sa iyang kampanya ang iyang gihatagan og kwarta. Si Comelec Cebu Provincial Supervisor Eddie Aba miingon nga dili sab mahulog na vote-buying ang gibuhat ni Garcia apan ang law office nga nila sa kauluhan ang maka-desider kay didto na ihatag ang reklamo. (AJ de la Torre/EIM) (BANAT BALITA)