CEBU, Philippines - Human na ang eleksyon apan nagpabilin gihapon ang mga suliran sa Kapitolyo ilabi na ang dagkong utang sa miaging administrasyon nga mao karun ang atubangon ug kinahanglang masulbad sa mga umaabot nga bag-ong mamuno sa lalawigan.
Si Governor-Elect Atty. Hilario “Junjun†Davide III gitambagan ni Vice-Governor-Elect Agnes Magpale nga magpatabang sa National Government aron mabayran ang mga utang sa lalawigan sukad pa niadtong tuig 2008.
Gipahibawo ni Magpale nga aduna pay P300 milyones sa panudlanan sa Kapitolyo apan dili kini paigo nga ibayad sa mga utang.
Samtang nakigtigom na si Davide kagahapon sa mga department heads ug nagplano usab siyang pakigtagboan ang mga regional directors sa mga ahensya sa gobiyerno ini og kahuman sa ilang oathtaking karong Hulyo 1. (BANAT NEWS)